Apoiamos a Marcha contra Celulosas este sábado 21 de xuño

cartaz_2014-mbr-1A Plataforma en Defensa dos Montes do Morrazo quere facer público o seu apoio á Marcha contra Celulosas que organiza a APDR este sábado 21 de xuño con saída simultánea das alamedas de Marín e Pontevedra ás 19:30h.

A presenza do complexo Ence-Elnosa – condenado por delito ecolóxico hai anos – ademais de afear a paisaxe segue a causar problemas na ría, tal e como denuncia a APDR, ao verter materia orgánica e bacterias coliformes fecais que, xunto con outros focos de contaminación, inflúen decisivamente na clasificación do banco marisqueiro de Lourizán como zona C.

Demandamos da Xunta de Galiza que aclare e resolva esta situación que obriga a pechar o banco marisqueiro e fai baixar o prezo do marisco extraído da ría coa conseguinte perda de cartos para as e os mariscadores que traballan na praia de Lourizán.

No entanto, máis alá desta grave problemática tamén queremos denunciar que detrás de dita actividade industrial está a invasión do eucalipto nos nosos montes dende que a citada empresa se instalou na actual ubicación hai cinco décadas, pois temos que lembrar que esa especie forestal é a utilizada por ENCE para a fabricación de pasta de papel.

O espazo natural dos Montes do Morrazo, como a maioría dos montes do litoral galego, onde mellor se adapta o eucalipto dado o carácter ácido do solo e a alta pluviosidade, non ficou alleo a esta problemática, e dende aquela viu sufrir unha merma na súa biodiversidade, tanto pola condición de especie alóctona e invasora do eucalipto como pola utilización de insecticidas no control das súas plagas como monocultivo,  e perda hídrica no seu solo ademais dun incremento no número de lumes e de superficie queimada pola alta demanda de auga como do carácter propagador  do eucalipto como especie pirófita, respectivamente.

A recente e retrógada reforma da lei de Costas a nivel estatal dá cabida a que empresas como ENCE-ELNOSA sigan permanecendo na súa ubicación máis tempo, malia a súa demostrada toxicidade, negativa influencia para o medio mariño e deste como recurso, e da maioritaria oposición social.

A Plataforma en Defensa dos Montes do Morrazo demanda o desmantelamento inmediato de ENCE-ELNOSA da súa actual ubicación no dominio público marítimo-terrestre na ría de Pontevedra, a recuperación da ribeira do mar e da vida e produción mariña, a substitución do eucalipto por outra especies forestais e frondosas menos daniñas para os montes, e unha reorganización da xestión forestal baseada na prevención, multifuncionalidade e a diversidade produtiva do monte, o seu uso social e cultural, como solución ao actual abandono, xerando postos de emprego respectuosos co noso medio.

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s

Crea un sitio web ou un blogue de balde en WordPress.com.

Subir ↑

A %d blogueros les gusta esto: